'ഡൈ'യും 'വിഗ്ഗു'മില്ലാതൊരു വൃദ്ധൻ

കടിഞ്ഞൂൽ പുത്രനായിരുന്നു അമ്മയ്ക്ക്‌. വിശന്നു തളർന്നു കരഞ്ഞ 'ഇളയവ'രെ താരാട്ടിയുറക്കുന്ന അമ്മയെ ശല്യപ്പെടുത്താതെ പിച്ചവെച്ചു തുടങ്ങി. മോഹങ്ങൾ സ്വരുക്കൂട്ടി സ്വപ്നങ്ങൾ നെയ്ത്‌ ബാല്യം കടന്നു പോയ്‌. ചോര വിയർപ്പാക്കി യൌവ്വനവും. വന്ന വഴിയുടെ നീളമളന്നില്ല. കൂടപ്പിറപ്പുകൾക്കായ്‌ ദാഹമുപേക്ഷിച്ച രാവുകളേച്ചൊല്ലി പശ്ച്ചാത്തപിച്ചില്ല.

മഴ കണ്ടു, വെയിൽ കണ്ടു, പ്രളയങ്ങൾ കണ്ടു, വരൾച്ചകൾ കണ്ടു. പൂവായി, കായായി, ഒടുവിൽ തല നരച്ചിന്നൊരീ വൃദ്ധനുമായി. നേടിയതെന്തെന്നു ചോദിച്ചാൽ കൈയ്യിലൊന്നുമില്ല; പക്ഷെ പറയുവാനുണ്ടൊരു കഥ, ഇളയവരോട്‌: നിങ്ങളെങ്ങനെ നിങ്ങളായെന്ന് .

(അടുക്കള മുറ്റത്തു നിന്നു)

കടപ്പാട്‌: "ഡൈ ചെയ്ത തലയല്ല യുവത്വം" , മാത്രുഭൂമി ആഴ്ച്ചപ്പതിപ്പ്‌.